Desde o ano 1990 a nosa Asociación promove este certame, co obxectivo de fomentar a creación escrita, especialmente entre as xentes da zona da Alta Montaña de Lugo, aínda que está aberto á participación de calquera persoa que escriba en lingua galega (Consultar as Bases Xerais).

A través dos traballos presentados nas diferentes categorías (infantil, xuvenil e adultos) e modalidades (relato e poesía) recóllese o léxico da zona, así como as lendas e historias que caracterizan o imaxinario popular dos concellos da montaña luguesa. Ademais, tamén agardamos que este Certame Literario sirva para animar a todas aquelas e aqueles que quizais inician a súa andaina como escritoras ou escritores.

A literatura é a arte da palabra. A Asociación Cultural A Pipa impulsa o emprego da palabra como vehículo expresivo e artístico.

I CERTAME LITERARIO “A PIPA” 1990 DA ALTA MONTAÑA LUGUESA

Organizado conxuntamente coa Asociación Cultural ARELA de Becerreá.

Dirixido ao alumnado do Colexio Público de Becerreá, na modalidade de Contos ou Relatos.

Premiábase a participación cun pequeno agasallo concedido pola A.C. ARELA e polo Concello de Becerreá.